Hişîn - Metin Altıok

7 Haziran 2015 Pazar

Hişîn

kî dizane tovên kîjan behrê ye
ew hişîntiya
gerînek
û
zelal
a ku di çavên te de

ku
bêsekan
hîşê min
tevlihev dixe

Wergerandin: J. Alpîranî

Metin Altıok

yorum | | Devamı...

Rê - Jana Seyda

1 Haziran 2015 Pazartesi

Rê

Rê ji min re
Hembêza janên xwe
Vedikin

Di her evînê de dibim
Rêwî
Û di her rêyê de
Winda dibim

Tenê
Çavên te
Min ji kûraniya windabûnê
Vedigerînin.

Jana Seyda

yorum | | Devamı...

Li ber derî - Abdulla Peşew

9 Mayıs 2015 Cumartesi

Li ber derî

Şev bû dereng
Çoka min sist bû
Hîv li nav ezman kizirî
Derê xwe li min veke
Îşev hatime
Ji çinîna baqek ji nergizên çavê te
Bo razanek, bo xewnek, bo hin girîn
Li ser ewrê porê te yê xav
Îşev hatime
Çirîska bajarê yadîgar bangî min kir
Bi sîma zarotiya xwe ve
Bi xema şorebiya xwe ve
Hatime û venagerim
An digihîjim te
An wek momekê dişewetim û dihelim

Derê xwe li min veke
Ez dildarê te yê cara me
Her zeviya ber derê te me
Her tîna berf û barana te me
Derê xwe li min veke
Ez ew kes im
Heta do
Li nav gewriya ronahiyê te ez vedişartim
Li nav tasa tirsê te ez vedixarim

Dem: Li bin baskê ezman dike bawîşk were
Şûn: Reşikeke bêdeng e
Derî li min veke
Tiştek nîn e şîrîntir be
Ji xişta pê û çip çipa lêvê
Deriyê xwe li min veke
Westayê riyek dûr im
Wekî caran hinekî rûdinim û radibim

Şev bû dereng
Çoka min sist bû
Hîv li nav ezman kizirî
Derê xwe li min veke
Dar û kevirên devê derî xwe davêjin te

Abdulla Peşew

yorum | | Devamı...