Kürt Yazarlar: yazar

yazar etiketine sahip kayıtlar gösteriliyor. Tüm kayıtları göster

Akıl üstesinden gelir fakat sevgi fetheder. Ozan Deniz Sarıtop

Adsız 24 Ağustos 2015 Pazartesi 21:04

24 Ağustos 2015 Pazartesi

Akıl üstesinden gelir fakat sevgi fetheder. Ozan Deniz Sarıtop

yorum | akıl, kürd, kürt yazarlar, kürt yazarları isimleri, kürt yazarların sözleri, kürt yazarların şiirleri, ozan deniz sözleri, sevgi, yazar | Devamı...

Vê sibehê, li te digeriyam - Ehmedê Huseynî

Adsız 17 Şubat 2015 Salı 16:27

17 Şubat 2015 Salı

Vê sibehê, li te digeriyam

1
Vê sibehê,
li te digeriyam,
li şûnşopa nalîna te,
li karwanê bîranînên te,
li genimê sirûda te ya ji bendemanê,
li kevirên aramkêşana te,
li keskê goristana te, li rojçêbûn û rojmirina te,
li rawestana te ya li bin baranê, li binefşa lêvên te,
li reşgirêdana darên sînga te, li penagehên bîra te,
li dastanên birîna zemîna te,
li kulîlkên reş ên hinarkên şevistana te digeriyam!
Tu bi karwanan re di ser laşê min re dibuhurî
û ez jî li pey te digiriyam!
2
Vê sibehê: ji bo Afat!
Dema li bargehên bêrîkirinê dilê xwe dikim bi qurbana hêviyan û toza bajaran ji ser bijankên xwe vediweşînim,
tenhatî perên xwe vedigire û bi hezaran darbestan ji xewnên min direvîne.. Dema ku ewrên zaroktiya me bi ser bajaran de digirîn, tenhatî li pêşberî me rûdine û li dojehên çavên me dinêre. Dema ku tenhatî li ser keviya zimanê me bi tenê dimîne, sibehên me ji me dixeyidin û xwe davêjin bextê esmanekî şîn!
3
Derengî şevê ye,
derengî jehr û derengî bîranînên kevirên keleh û bîrê ye!
Li Deriyê Çiyê dinêrim û bavê xwe bi destên xwe yên ji tûtinê dixeniqînim.
li velerzîna diya xwe û li çîrokên kuştina xwe vedigerim û eniya dîrokê ya ji bobelatan radestî sêdar û mêrxasên Pîranê dikim. Ji Amedê derdikevim û di Amedê de werdibim û ...Şêxekî ji tozê di hembêza xwe de radizînim! De lorî Şêxê mino lorî!!!
4
Vê sibehê, min di sîtava Deriyê Çiyê de, bi sedan bejnên bilind ên ji sirûdên nîvçe, gulebarankirî didîtin. Sazbendan serên xwe diçemandin û dastanbêjan jî dengên xwe bi kêrên nehwirînê dikuştin. Bazekî birîndar esmanê Amedê bi ser birîna xwe de dirûxand û ji mirina xweşmêran re digot: roj baş ey mirin! Li Deriyê Çiyê,... baranê, ji bilî kirasê dayika min, tu tişt nas nedikirin.

Ehmedê Huseynî

yorum | Ehmedê Huseynî, helbest, kürt, kürt yazarlar, kürtçe şiirler, mamoste, yazar | Devamı...

Çavên Te - Atilla Barişer

Adsız 7 Şubat 2015 Cumartesi 09:32

7 Şubat 2015 Cumartesi

Çavên Te

Çûyînên dûrin çavên te.
Li bendê mayînên bi hisretî.
Sermaya Serhedê, berfa belek
Qulingên Behra Wanê, keştî, kelek

Egalên fîrar, cerdên siwaran
Hespên kumêt, sozên mêran
Heval û hogir, bav û bira
Dîwana mîra

Simêlên mehkuman, bêrî
Sûka Amedê, guhara heyderî
Êvara xwedê, gundên şewitî
Şeva xalî û bêdeng
Rêyên girtî, xaniyê bê derî

Nazik, nazdar, şirîn û rihan
Êşa zirav, birîna kûr, derba giran
Ûrtê qeliyayî, bextê romê, xeyala xam
Hêvî, azadî, jîyan…

Tu bi ku de diçî, ji ku derê tê?

Çûyînên dûrin çavên te
Çavên te binê xetê
Bi biryarim
Ezê di bûka çavên te de ava bikim vî welatî.

Atilla Barişer