Jana min - Gulîzer

14 Mayıs 2015 Perşembe

Jana min


(Bejna min qeytan e
                                  hundirê min qîr û qetran e.)

                                            Ji gotinên pêşiyan

Du heb marên reş
Nobedar in li bin siya mijangên min
Ji bo min hînî sebrê bikin
Mexel dikevin li kanîka çavên min
Wextê girî kom dibin
Dibêjin ferman e
Bi çavên min ve didin
Jara reş dilop dilop tê xwarê
Xelk nizane bi jana min
Dibêjin
Çavkilê lêê,
Çavreşê lêê

Min stranên ji tiliyên te diweşiyan
Berhev dikir
Bi berbiska xwe ve dikir
Niha her têlekî porê min
Zarokên ku ji xwêhdana tiliyên te mane
Ji ber xwe dikin
Heta devdelingên xwe di xwîna sor de mane
Xelk nizane bi jana min
Dibêjin,
Porsorê lêê
Porhinneyê lêê

Gulîzer

yorum | | Devamı...

Hilbijartin - Gulîzer

13 Mayıs 2015 Çarşamba

Hilbijartin

Rê tim du alî ye
Du rû ye.
Tu rû bidî kîjan alî
Bi kuştina ya din e.

Gulîzer

yorum | | Devamı...