Kitabe - Hicri İzgören

Kitabe

Ferhat

Ma canek çi ye ji bo canan
Em mirin
Mirin bi xwe jî ne bi heqî bû

Necmî

Rojbûyîn/1960
Ger hûn ji ne/mirinê bawer dikin
Çîroka min ji bilûreke bêziman guhdarî bikin

Leyla

Gulek hebû di berstûyê min de
Min bi xwe kindir xist stûyê xwe ji bîr nekin
Peyva min a dawîn ji bo we xweşik bikin hesretê

Nav Ne Girîng e

Bar giran rê dirêj bû ez têk çûm
Min guleya dawîn ji xwe re hîştibû
Belav  bû artêşên  dilê min
Ji bîr bikin navê min û bibexşînin min

Necmettîn

Bila stêrk dorpêç bikin şevên te
Hêlîpana wê ne girîng e
Min li hidûdekî ku nexşeya wê
Çivîkan derxistiye veşêrin

Îbrahîm

Şeveke wisa bû ku bi xwe feq bû
Deng dêng şikenand di malika xwe de dînûhar bû gule
Destê min di newa min de ma
Negirin ger vekirî mabe çavên min

Kemal

Ne diayan, helbestan bixwînin ji min re
Bi zarokan re werin bi stranan re
Belav bikin bêdengîya goristanê

Alî

Min jî binivisînin li bêşa hêsîran
Gava bêhna cehter û nêrgizan
Bigirin ser bajêr û wan radest bigire

........

wekî din jî yên bêgorîçe hebûn
Dayîkên ku digotin
"Ji bo ku qurnefîlekê deynim ser
li gora kurê xwe digerim"
jî hebûn

Wergerandin: Lal Laleş/Yaqob Tilermenî

Hicri İzgören